威仕頓餐廳 (已結業)

上星期去上环见客, 途经威仕顿餐厅, 见个餐牌都几吸引, 价钱又便宜, 所以入去一试。餐厅位于上环电车路大街, 近地铁站, 交通方便, 环境算不错, 够宽敞, 装修都算有特色。点了个加拿大牛扒配红酒烧汁跟薯菜。块牛扒都算厚身, 食落唔靭又好 juicy, 配埋个红酒烧汁, 十分美味, 薯条唔太油腻。忌廉汤够浓滑又 creamy, 如果唔想要汤, 可以拣蒜蓉包。热奶茶够港式, 十分浓。成个套餐份量刚刚好, 都系 $66, 在上环商业区嚟讲, 确系抵食之选。