PizzaExpress (V City) (已結業)

几个屯门友聚埋食lunch，想坐得舒服，就去VCITY 拣餐厅，见Pizza Express环境唔错，又冇乜人，就入去一试！5个人叫咗个4人餐，小食拣咗蒜蓉包同肉丸，份量小小，味道清淡，作为开胃小食恰如其分。之后到鸡肉凯撒沙律同肉酱长通粉，味道...都系偏淡😅最后到主角，大大份嘅辣味薄饼，青辣椒真系有d辣，反而辣肉肠唔辣，汁系茄汁，不过夹住食都几惹味！跟餐有两个薄饼，另外拣咗个皇后薄饼，味道不过不失。整体嚟讲，呢个4人餐算抵食，餐茶+$10转冻柠茶仲可以无限添饮，不过食物味道偏淡，我自己就觉得ok，重口味嘅朋友就唔太啱！