越色牛肉粉餐廳 (已結業)

其實黎過好幾次，海南雞飯同金邊粉都容易賣晒、入座前confirm下好d。星期五晚差唔多8點，2位唔洗等，係d位逼d、不過幾喜歡店內裝修、特別係有得估下d poster係向邊套經典電影致敬。嗌左：豬頸肉撈檬（$62）、海南雞飯（$70）同牛肉米紙卷（$56）。基本上前兩樣係膽黎，次次諗唔到食咩都會黎食。豬頸肉燒得岩岩好，份量都夠。一排無黎覺得海南雞大份左，真無骨非常正！雞都夠嫩既。米紙卷就還好啦，牛肉唔多，但當食菜好fresh既。