川粵米線大王 (已結業)

川粤米线一向都几旺，经常行过都见到几多人，今晚就自己一个人入去试下。叫左个重庆酸辣汤底米线配鱼腐同墨鱼丸，叫米线会配埋野饮，叫左杯柠檬茶，双拼米线加野饮都系$33，真系好抵！个米线几足料，芽菜同米线同d配菜都好多。本来以为酸辣汤底系会酸辣并重，点知即使我叫左小辣，食落都完全系得辣味，食唔到酸味，有d失望！配菜方面，墨鱼丸口感几弹牙，但味道好淡，无咩墨鱼味，鱼腐一粒粒咁，比较少有，个味道就ok。整体来讲，觉得呢度嘅汤底比较o岩d钟意食辣，尤其系麻辣嘅人，但如果好似我咁钟意偏向酸味嘅汤底就可能唔太o岩啦。