肥公車仔麵 (已結業)

喺旺角热闹嘅闹市入边想揾平嘅嘢食真系好难，二一间系旧区近大角咀嘅肥公车仔面就系唔错之选。二间车仔面已经开左超过10年由细细个已经食过好多次，每次嚟到出面都悠长嘅人龙，但职员做嘢手脚快所以好快就排到，所以习惯黎到喺门口叫咗嘢食先至揾位。依度除咗价钱平之外，款式多而且份量亦都唔少，比起深水埗某车仔面，CP值高好多。依度啲河粉好滑所以每次嚟到我都会叫，呢度啲牛肚系草肚够晒林同入味，牛腩比得好大旧又连左啲根好正。(不过建议可以剪细旧一啲，方便入口)猪肠亦都好新鲜唔会太多肥膏，配车仔面一流。两个人叫咗咁多个𩠌同一枝大可乐，都系大约$70左右真系好抵食。