北海丼 (已結業)

之前嚟过几次，虽然唔食生嘢，但系都有好多熟食丼同小食选择，仲有最重要系有我最钟意嘅稻庭乌冬！最近留意到新出咗汤咖喱套餐，同平时嘅套餐相若，有前菜同小食，不过主角就系汤咖喱，同埋今次唔系跟丼饭而系白饭，送咖喱食，非常夹！第一次食，叫咗海鲜汤咖喱试试，配大大块吉列猪扒。虽然无喺日本食过，但有听朋友讲过正宗汤咖喱系点，其中一种做法系加番茄去煮，呢度食得出系加咗加番茄，少少甜，不过同时保留到辣味，唔错㖞！望落有少少油，但系食就唔觉得太油腻。只大虾好鲜味，结实弹牙，其他鱼都几好，野菜都好有惊喜，入晒味，唔系配角咁简单！猪扒炸得好靓，同埋真系好足秤...朋友叫咗啲鱼生丼，虽然我无食，不过都睇到好新鲜好足料，其中有啲丼仲做紧买一送一，非常抵食。餐厅环境够阔落，就算有时客多都唔怕，仲可以坐得松。