小巷弄

营业中

休息中

最近同屋企人去北角维港凯悦尚萃酒店staycation，由于酒店唔包晚餐，所以我哋就喺附近嘅商场觅食。屋企人比较钟意食台湾嘢，所以我哋就拣咗呢一间充满台式风味嘅小巷弄。不过我哋唔想喺出面同人哋迫，所以就拣咗外卖自取，买完拎返酒店食，我哋要咗一份盐酥大鸡扒加卤肉便当做主食，跟住仲嗌左三款小食同两杯饮品，仲有一份甜品。卤肉便当同盐酥大鸡扒嘅味道都唔错，而且卤肉嘅份量都相当多，够捞成兜饭，呢样值得欣赏！小食方面我哋叫咗芝士蛋手抓卷饼，综合甜不辣同埋最近做紧特别优惠嘅盐酥鸡粒，当中最推嘅就系盐酥鸡粒，鸡粒肉嫩多汁，而且啖啖都系肉，而家做紧优惠真系好抵食。至于芝士蛋手抓卷饼就有啲干，所以一定要叫嘢饮，我哋就要左一杯轻芝士岩盐奶盖抹茶同柠檬爱玉，味道都正常！