蠔站 (亮賢居)

营业中

休息中

依间餐厅以$10一只蚝而出名，好多年前已经成日帮衬佢地。每次都嗌2,3打生蚝，捧上张枱嘅时候已经大到令我哋赞叹不已😍除咗生蚝之外，我好欣赏佢嘅炸薯条，好入味同埋好脆口。 妈咪话佢牛油果沙律都好好食，不过啲咁健康嘅嘢都系唔啱我😛😛另外，软壳蟹天使面都好食，天使面煮得好入味，啲汁好多。 今次嗌左个Pizza，分别用唔同芝士，因为我系芝士迷，所以觉得非常好食。 突然之间传来一浸好臭好臭嘅味道，我同屋企人周围望，原来系隔离枱嗌咗个Pizza，𠮶只芝士臭到我顶唔住😂😂😂可能叫得太多嘢食，已经食得太饱，所以之后再上嚟嘅牛扒已经食唔到，同埋就觉得一般般。总括来讲佢啲嘢食系好食，不过服务员就好少，所以叫咗好耐都冇人帮我哋落单同埋冇人帮我哋fill水，忙到做唔切。