NINETYs (形點 I)

营业中

休息中

餐厅喺yoho mall戏院斜对面，好易揾。虽然系开放式厨房，但系竟然冇油烟味😮😮，出街食饭都好怕食完成身味，呢点值得一赞。而家night menu有半价，超抵食！首先系烧魂饭，本身听个名以为系中式嘅黯然销魂饭咁😂，但原来唔系，反而更似日式嘅丼。中间只「日本兰王蛋」简直系画龙点睛，有蛋香同令到成个饭更湿润，叉烧甜甜地、啖啖肉、有油脂香。要试！波士顿龙虾意大利粉，见隔离枱有叫好吸引跟机叫的😂。龙虾有半只，肉质实净啖啖肉。意粉唔系平时食开𠮶啲，系比较粗身的，面质有咬口唔会太淋，pomodoro sauce酸酸甜甜几夹。蟹肉布拉塔芝士薄饼，推介！成个pizza非常鲜味，因为有蟹肉同三文鱼子😍😍。芦笋同蕃茄增加爽脆口感，食落不单调。一定要衬热食。95 Fruity Coffee Cake，以食用花伴碟，啱晒打卡。对咖啡认识唔系太深入，初初见到fruity以为系果味蛋糕😂，但原来系fruity blend coffee整出嚟嘅蛋糕，蛋糕好香咖啡味，质感实净之余好creamy。最后系Affogato，又似甜品又似饮品，幼滑嘅果仁蛋糕淋上espresso，夏天饮消一消暑😬。