影片
更多
2021-08-28
46 浏览
平时成日去新蒲岗，因为𠮶度餐厅多，乜嘢类型嘅都有，而且好多都又平又正。寻日食咗一间泰粤小店，应该话系泰粤川🤣酸菜鱼，$138估唔到会系度食到酸菜鱼，而且店员话系𠮶度嘅必食之选，见又好平，就叫一份黎试吓。又真系几好味㖞，同大店味道几乎一样，鱼一啲都唔腥，酸菜亦都好够味，咁嘅价钱好抵。咖哩蟹+蒜蓉包，$168可能系全香港最平嘅咖哩蟹，原本以为份量会好少，点知完全相反，啲蟹好多，佢同其他舖头有啲唔同，通常泰国餐厅会摆靓成个蟹出，佢就斩细件啲，炒成一大兜出，卖相虽然冇咁靓，不过咖哩味好好味，加埋蒜蓉包，真系好正，差啲想打包啲咖哩汁返去捞白饭食🤣另外啲蟹都几特别，用膏蟹，唔系肉蟹，所以钟意食膏嘅就要去试吓啦。黄金虾，$118其实系咸蛋黄炸虾，咸蛋黄好味，虾嘅大细、份量同埋味道都正常。生菜包肉，$65生菜包肉都辣辣地，食唔到辣嘅朋友就要留意啦。串烧，安格斯一口牛$38，鸡软骨$22 两串，白鳝$38除咗酸菜鱼、泰国菜、粤菜小炒之外，仲有串烧，种类繁多，系咪觉得系度乜都食到呢，真系好神奇🤣另外咸柠梳打同青柠梳打好好饮呀。餐厅本身已经好平，另外8点前好似有8折，8点后就9折，礼拜3仲全日8折，真系抵到
酸菜鱼，$138
估唔到会系度食到酸菜鱼，而且店员话系𠮶度嘅必食之选，见又好平，就叫一份黎试吓。又真系几好味㖞，同大店味道几乎一样，鱼一啲都唔腥，酸菜亦都好够味，咁嘅价钱好抵。
咖哩蟹+蒜蓉包，$168
可能系全香港最平嘅咖哩蟹，原本以为份量会好少，点知完全相反，啲蟹好多，佢同其他舖头有啲唔同，通常泰国餐厅会摆靓成个蟹出，佢就斩细件啲，炒成一大兜出，卖相虽然冇咁靓，不过咖哩味好好味，加埋蒜蓉包，真系好正，差啲想打包啲咖哩汁返去捞白饭食🤣另外啲蟹都几特别，用膏蟹，唔系肉蟹，所以钟意食膏嘅就要去试吓啦。
黄金虾，$118
其实系咸蛋黄炸虾，咸蛋黄好味，虾嘅大细、份量同埋味道都正常。
生菜包肉，$65
生菜包肉都辣辣地，食唔到辣嘅朋友就要留意啦。
串烧，安格斯一口牛$38，鸡软骨$22 两串，白鳝$38
除咗酸菜鱼、泰国菜、粤菜小炒之外，仲有串烧，种类繁多，系咪觉得系度乜都食到呢，真系好神奇🤣
另外咸柠梳打同青柠梳打好好饮呀。餐厅本身已经好平，另外8点前好似有8折，8点后就9折，礼拜3仲全日8折，真系抵到烂。不过好介意环境嘅就要考虑下，始终系小店，冇乜装修。下次会去试吓粤式小炒，我见好多人食茄子煲，好香☺️
张贴
