睿日本料理 (已結業)

曾几何时，好多人为左揾食会专程入大坑，虽然而家热情冷却，但大坑依然有好多有质素嘅餐厅。睿日本料理就系其中一间，佢唔单止有水准，而且性价比仲几高，佢有个迷你厨师发办套餐，人均都系三百几蚊，已经有刺身有手卷有烧物有天妇罗有甜品，不过店面就比较细，成间店都系得十几个位，三两知己饭聚就啱。睿同好多日本餐馆一样，有分寿司吧枱同普通餐枱，因为店面较细，所以枱同枱之间就比较近，不过每张凳下面都有储物篮俾客人放袋，睇得出店家都尽量喺有限空间内满足顾客需要。正如我先前所讲，哩度嘅迷你厨师发办套餐几抵食，所以十个人客有九个都会点哩个套餐，二人$680，三人$980，四人$1,280，越多人越抵食。前菜三味由左至右分别系海蜇、冷豆腐同油甘鱼沙律。海蜇浸喺醋汁入面，而冷豆腐上面就加左胡麻酱，两样都好开胃。油甘鱼虽然切到细细粒，但每一粒都带有光泽同口感油润，感觉几新鲜。刺身三点刺身有油甘鱼、立鱼同带子，刺身都几厚切。香葱吞拿鱼腩手卷手卷入面都几多吞拿鱼蓉，唔单止面头有，连里面都有，几乎食到尾每一啖都会食倒，而且吞拿鱼蓉口感好软滑，几好食。烧羊架羊架烧到啱啱好，唔会过生，但肉质又唔会过老过韧，调味亦适中。天妇罗天