京.花朝 (已結業)

今晚过左黎铜锣湾京华中心嘅京花朝食京沪菜。上网睇到呢度嘅醉蟹脚想试左好耐。门面墙身走优雅中国风。入到去感觉有d 似小包厢形式。今次就叫左个$268/每位嘅2人餐。有汤、饭同甜品。螺头、猪肉、桂圆、鸡脚炖汤 汤头好清甜，都几足料。北京酱蹄酱蹄切到薄薄一片，配埋惹味嘅辣椒蒜头调味，几开胃。蒜泥白肉粉皮 白肉份量唔算好多，辣嘅后劲几犀利，蒜味再浓d会较好。老家回锅肉 腩肉质地唔错，调味比食开嘅回锅肉甜左少少。京葱炒牛肉份量几足，牛肉唔会用左过多嘅松肉粉。味道超下饭。花雕话梅醉松叶蟹脚连埋蟹钳有5大件，会连埋较剪俾你剪蟹脚。剪出黎真系啖啖肉，蟹肉浸到入晒味。重点经话梅调味嘅花雕酒味份外鲜甜。超正超满足。最后仲会有个杏仁豆腐：淡淡嘅杏仁清甜，口感就有d 似大菜糕。另外一赞佢地提供嘅茶系唔错嘅茶叶。