影片
更多
2023-02-12
2119 浏览
话说喺新世纪睇完早场同老婆、外母饮茶，然后去咗北京楼排队等位。等左大约半个钟头就有位，坐低之后见到有个片皮鸭二人餐几抵食就试下。第一道先上个沙律，好似有啲格格不入，但系食鸭咁肥腻嘅食物之前黎啲素食都唔错。第二道系个时菜鲜鱼𡙡，略有啲咸，但系个人偏好稍为重味啲都可以接受。第三道系宫爆虾球，虾球炸浆好脆，肉质爽口，配上咕噜汁，好开胃。第四道系主菜片皮鸭，皮脆肉嫩，虽然片得偏薄，略为冻左啲啲，但系作为二人餐份量绝对足够，若然要挑的话，反而觉得块粉皮唔够热同太薄。第五道系蟹粉小笼包，中规中矩，系好味，必须趁热食。第六道再黎碗拌面，呢个面唔系难食，但基本上唔洗食，因为已经好饱。最后一道甜品系椰汁糕。作为二人餐黎讲，系非常抵食，其实四位都够食，而且上菜速度好快。你未食完一道，下一道已经送到上枱。特别一赞系，旺角店嘅侍应都好有礼貌，令食客有宾至如归嘅感觉。想食片皮鸭的话，可以放假早啲去试吓。
等左大约半个钟头就有位，坐低之后见到有个片皮鸭二人餐几抵食就试下。
第一道先上个沙律，好似有啲格格不入，但系食鸭咁肥腻嘅食物之前黎啲素食都唔错。
第二道系个时菜鲜鱼𡙡，略有啲咸，但系个人偏好稍为重味啲都可以接受。
第三道系宫爆虾球，虾球炸浆好脆，肉质爽口，配上咕噜汁，好开胃。
第四道系主菜片皮鸭，皮脆肉嫩，虽然片得偏薄，略为冻左啲啲，但系作为二人餐份量绝对足够，若然要挑的话，反而觉得块粉皮唔够热同太薄。
第五道系蟹粉小笼包，中规中矩，系好味，必须趁热食。
第六道再黎碗拌面，呢个面唔系难食，但基本上唔洗食，因为已经好饱。
最后一道甜品系椰汁糕。
作为二人餐黎讲，系非常抵食，其实四位都够食，而且上菜速度好快。你未食完一道，下一道已经送到上枱。特别一赞系，旺角店嘅侍应都好有礼貌，令食客有宾至如归嘅感觉。想食片皮鸭的话，可以放假早啲去试吓。
张贴
