木槿花韓牛專門店 (已結業)

早排同honey食完韩牛出咗篇文，契妹睇到又话想食，两只为食猫就相约于佢返美前，一试中环都几近佢修甲𠮶度o既「木槿花韩牛专门店」。合共两层高o既韩牛店所有餐桌上都有个伸缩形o既抽油烟机。墙上以灯光照出大大只牛牛，简单到题。两契兄妹其实早于订座时已立心要食个「二人韩牛套餐」（$688），自选项目仲拣好咗要牛骨清汤、生拌韩牛、珍珠白米配韩牛牛腩片。点好套餐后，先由妹妹送上清爽醒神o既泡菜、咸鱼仔、芽菜。特选沙律：沙律新鲜爽脆，伴上甜甜o既芝麻酱亦倍感开胃。牛骨清汤（雪浓汤）：奶白色o既牛骨清汤浓郁带甜。清汤内o既面条软腍幼滑，坚好味！生拌韩牛：生韩牛由哥哥仔即场混入雪梨条及生蛋黄搅拌而成，手势温柔得黎好纯熟。生韩牛颜色鲜美，柔润滑溜中带点爽口，惹味甜美，正爆！焖牛肋骨：可能见我地食得都几慢吓，姐姐仔专登以小火暖住个焖牛肋骨，确保菜式食用时仍能保持热力。牛肋骨肉味香浓有嚼劲，连汁送饭就最好食。珍珠白米配韩牛牛腩片：白饭热辣辣、香喷喷。个人只系略嫌牛腩薄片偏咗少少干嚡。不过卷埋伴碟o既腌萝卜黎食，效果香辣不少之余又多咗份爽脆。轮到压轴烧韩牛出场前，温婉o既妹妹仔先送上调味酱及靓靓生菜。三款韩牛