影片
更多
2017-07-17
1875 浏览
星期六中午喺旺角揾食，喺OpenRice App见到有间餐厅名叫街坊cafe，几特别咁，再睇睇原来预先经OpenRice App订位，散点食物同饮品有五折优惠，但优惠就唔可以用喺甜品或者套餐。唔理咁多都系网上订咗位先，攞咗个优惠去到再慢慢睇有咩食啰。餐厅喺女人街街头(近广华医院𠮶边)，地点都几方便。不过个招牌唔系咁显眼，要留意吓。拣嚟拣去，都系觉得佢个「皇牌二人套餐」最吸引，乜嘢都有齐，同埋唔驶谂太多，太苦恼。套餐系冇五折优惠架，不过粗略计过吓，散点都唔系争好远。个套餐已经包左汤、沙律、小柄铁板烤扒、皇牌沙河粉、甜品、饮品。汤就拣咗皇牌极上龙虾汤窝，要加＄38。真系一大窝架，个汤都几浓，几有龙虾汤味。里面仲有一条条嘅芦笋同埋粒粒龙虾肉。沙律系传统凯撒沙律，一大盘，沙律都新鲜，但酱汁同烟肉就少左啲。小柄铁板烤扒就拣咗烧西班牙黑毛猪配松露汁＄298，系好大个铁板。黑毛猪系厚切，都几大块，夹有少少肥肉，入口唔「鞋」，都几软腍。配菜个薯格好脆好好食，有惊喜。朋友大赞个松露汁好好味，但我又唔觉得个松露味好出㖞。皇牌沙河粉拣左龙虾汁海鲜河粉，海鲜有青口、虾、蚬，都算有料到。可惜唔够龙虾汁，显得较为
餐厅喺女人街街头(近广华医院𠮶边)，地点都几方便。不过个招牌唔系咁显眼，要留意吓。
拣嚟拣去，都系觉得佢个「皇牌二人套餐」最吸引，乜嘢都有齐，同埋唔驶谂太多，太苦恼。套餐系冇五折优惠架，不过粗略计过吓，散点都唔系争好远。
个套餐已经包左汤、沙律、小柄铁板烤扒、皇牌沙河粉、甜品、饮品。汤就拣咗皇牌极上龙虾汤窝，要加＄38。
真系一大窝架，个汤都几浓，几有龙虾汤味。里面仲有一条条嘅芦笋同埋粒粒龙虾肉。
沙律系传统凯撒沙律，一大盘，沙律都新鲜，但酱汁同烟肉就少左啲。
小柄铁板烤扒就拣咗烧西班牙黑毛猪配松露汁＄298，系好大个铁板。
黑毛猪系厚切，都几大块，夹有少少肥肉，入口唔「鞋」，都几软腍。配菜个薯格好脆好好食，有惊喜。
朋友大赞个松露汁好好味，但我又唔觉得个松露味好出㖞。
皇牌沙河粉拣左龙虾汁海鲜河粉，海鲜有青口、虾、蚬，都算有料到。可惜唔够龙虾汁，显得较为干身，味道唔够浓。
甜品拣咗Tiramisu吉士鸡蛋仔伴雪糕，一上枱我就系咁傻笑，真系相‧当‧巨‧型!!! 用一大个锅上枱，一大底鸡蛋仔(下面仲有一层)，外脆内软，上面一大层吉士酱，再加埋满满朱古力粉。仲有半溶棉花糖同雪糕，非常满足。虽然系甜品，但成个配衬唔会过甜，食晒都唔觉腬，大爱
Tiramisu吉士鸡蛋仔伴雪糕
21 浏览
0 赞好
0 留言
仲有两杯餐饮，可以任拣餐牌里面嘅饮品，唔包花茶系列，但都好多选择㖞。
我拣左朱古力咖啡，个拉花咁靓咁可爱，真系唔舍得饮。 
朱古力咖啡
14 浏览
0 赞好
0 留言
一加一(芒果菠萝蓝碟花冻饮)，颜色几靓。
仲有星星蒟蒻。
全个二人餐连转左一窝龙虾汤连加一，都只系$370，仲要咁大份量，三个人食都好足够。好抵食呀~~~
张贴
