堤諾比薩 (已結業)

深水埗真系有好多唔同类型嘅餐厅，咁多美食，我自己呢就钟意拣啲有良心嘅餐厅去帮衬。当然性价比亦好重要，第一次帮衬呢间台式多国菜餐厅，我觉得整体几唔错。-香脆粟米球本身对呢款小食期望不大，虽然系炸物，但食落意外鲜甜。粟米粒好香甜，减低炸衣嘅油腻。-四重乳酪薄饼芝士味道好足，可以拣薄批或厚批，我拣咗薄批，食落都好外脆内软。另附有一小壶蜂蜜，俾食客自行淋上薄饼之上，咸甜交集，感觉好特别。另有核桃碎，增加香脆感。-培根起司瀑布面芝士酱汁浓稠度刚刚好，整体都入味。面嘅份量真系好似瀑布咁非常惊人，所以最后都唔系好食得晒。-冰台式鲜柠檬茶呢款冻柠茶同香港茶记饮开嘅真系好唔同，佢嘅味道偏向支装冰红茶嘅味道，红茶味比较突出，但又唔会完全掩盖柠檬嘅酸味。最得意系顶部有一层泡沫，几有特色。-牛油果椰奶冰沙呢杯我只系略略试味，因为我本身对牛油果兴趣不大。饮落有少少青草味，唔太觉有椰奶味。