霸王山莊

营业中

休息中

居美o既一位师姐其实每几年都会来港探亲，无奈毕业多年后，二人都未有机会碰面。多得有Facebook依个平台，近年与少咗接触o既众多旧同学喺互联网上都总算冇失散，今年师姐再度访港前亦从此渠道成功约会XO仔同另一位师姐，周三晚喺尖沙咀「霸王山庄」度聚旧一番。 三人准时七点半钟到达，店内已坐满食客，因小肥一早订咗位，所以唔洗等候就有卡位坐 。「霸王山庄」无论系环境格局、食物质素、定系服务态度都比茶餐厅高级少许，故收费都好顺理成章地多咗茶钱（$12/位）、小食（$5/位）及加一。细佬有偏食o既坏习惯，又准备写食评，所以就负责埋叫𩠌 。单凭餐牌上o既彩色插图，XO仔就点咗小笼包、萝卜丝酥饼、红油抄手及砂锅云吞鸡。 霸王小笼包（$38）：小笼包皮薄软熟，猪肉馅料香嫩幼滑，汤汁清甜丰沛，食落一啲都唔溜滞，属轻巧健康之选 。 皇家萝卜丝酥饼（$40）：萝卜丝酥饼外表看似笨拙，但饼皮干身得黎不失油香，加上中间o既萝卜丝爽润甜美 ，整体香口热辣，一人一只当真绝不过份。 老重庆红油龙抄手（$55）：长形o既红油抄手一客有八只，红油分开上，方便食客可自选辣度 。红油抄手皮薄馅软嫩，香辣惹味