撈得喜火鍋冰室

营业中

休息中

做咗成日嘢同同事食埋晚餐先返屋企🤣想暴饮暴食所以揾任食打边炉，原来有间捞得喜嘅任食火锅。我哋六点前去到已经食得😂过咗15分钟人流真系涌现，因为真心平，可以拣鸡煲/烤鱼/酸菜鱼等等，加汤即可打边炉，仲任食。煲底 谂住无咁肥所以食椰子鸡，鸡肉嫩而且好入味，鸡煲入边仲有唔少椰子、粟米、芫荽等等嘅配料。水滚咗之后就可以将鸡件放落去，饮落去汤底清清地香椰子味真系几正😝鸡件好多有一大碟，每件都唔细肉质几滑。配料有虾、蚬、肥牛、牛柏叶、基本上常见嘅配料都有齐晒，种类多几丰富😃呢到仲有手打鱼肉食落弹牙要试！虾、蚬好大只，百几蚊有呢个质素真心几好。蔬菜配料自己出去拎，菇、菜、丸、响铃等等咩都齐。佢哋嘅生菜洗得干净之余，颜色靓非常之翠绿，可以放心食用。饮品方面，有无糖有低糖，仲有自家制生果茶，种类选择多，整体感觉呢个价钱真系好抵食。