泰太廚房

营业中

休息中

其实呢间泰国菜我都食咗好多次，咁多年未到始终如一，尤其是咖喱炒蟹同埋炭烧乳猪，开始以来我都系必食。今次唔同屋企人去，介绍个朋友食呢间，佢哋都一致赞好。首先讲吓环境一落车佢哋已经话好似去咗泰国咁，门口一部笃笃车，人山人海，最好订咗枱先好嚟。炭烧乳猪：唔使讲呢个招牌菜必食，虽然在泰国未见过但餐牌写明是在泰国曼谷带过嚟，又俾更多香港人试吓，皮脆肉嫩，点埋酸辣汁好惹味。椰香咖喱炒蟹：时价七百，蟹有斤几重，新鲜多肉，又多咖喱汁，四个人都清晒仲打包汁走，一致好评。另外仲有炭烧串烧在门外炭烧，闻到都香。柚子沙律：正正常常咖喱蟹肉面包：唔使拆蟹，淡淡蟹肉，非常美味，不过我喜欢拆蟹多D。