森森小屋 (已搬遷) 新店位置

今日做完嘢行过黄埔，谂住买番啲嘢食返屋企食😋见到呢一间小店啲小食同埋正餐都几吸引，又唔系好贵，一于试吓佢啦！两位哥哥仔都好有礼貌，环境都好企理，𠮶度有立食区，但系本来谂住买外卖所以就冇去𠮶度食啦😙酥脆炸猪扒😋本来系谂住买外卖嘅但系中途因为个外卖盒传来左太香嘅味道 所以忍唔住揾咗个公园坐低食吓先，上面有啲沙律酱同埋烧汁，咬落去超级酥脆，口感都十分好，我谂因为佢应该系即叫即炸！所以热辣辣食超级好食！单骨蜜汁鸡翼😋呢个超级好食呀！啲鸡翼好嫩滑，啲蜜汁好入味，份量又多，二十几蚊真系超抵😋超级正既关东煮！😋啲𩠌都好入味啊，特别系我最钟意嘅萝卜，超级大件😋极上牛舌饭😋见到个牛舌既厚度就知道个口感如何啦！不过冇谂到原来咬落去真系咁爆汁，啲肉就系我个口到爆出黎！然后个薯仔沙律真系好好食，每一啖都好有口感，加咗啲萝卜，又有薯仔调味得好好！总结来讲啲嘢食真系抵食嘅，价钱唔算好贵但系份量足！下次再去试过其他嘢🤩🤩