茜廊餐廳 (德福廣場1期)

营业中

休息中

今日同好姊妹见面食tea，黎到呢间位于德福广场嘅西餐厅，我地两点几黎到，无人等位可以即时入座，侍应安排我地坐4人梳化位，好阔落又舒服，餐厅嘅下午茶几抵食，买1得2，有两份下午茶餐，我地拣左A3芝士焗鸡扒拼龙脷柳及B1煎蛋免治牛肉饭，红汤同白汤正正常常，无咩特别惊喜，蒜蓉包蒜味好浓，又够晒脆口，唔错，煎蛋免治牛肉饭都系正常味道，无太大惊喜，芝士焗鸡扒拼龙脷柳呢样真系要dislike，无芝士味，黑松露洋葱汁无黑松露味，味道偏咸，鸡扒中间唔熟炸葡式马介休球一上枱已经闻到香味，炸到好脆好香口，配搭沙律菜同千岛酱，可以解腻，热奶茶奶茶做得唔错，茶香奶滑。总括黎讲，餐厅食物质素普通，仲有煮唔熟嘅情况出现，但要一赞就系侍应服务唔错，入座同离开都会帮我地开关门。