北海道居酒屋 (已結業)

见沙田新开左间主打北海道美食既居酒屋，谂住只身试试个Lunch Set先，好味既话就再试晩市，不过试完就有少少保留。本来想食西京烧，不过话暂时无。寿司Set价钱中上。估唔到佢地都有做Omakase，价钱$250有13件可以接受。最后叫左豚肉生姜烧，食完有少少失望。套餐有沙津，汤，蒸蛋，免加一盛惠$58其实几抵，不过质素就有大大改善空间，单凭抵食未必吸引到回头客。白饭实左啲，猪肉有少少老，汁都唔够，坦白讲只系同吉野家差唔多水准，胜在够大份。虽然我今次唔系食北海道海产，但系都对佢地既lunch有多少期望。不得不提就系店员态度都好友善，主动加茶又有礼貌，所以都可以考虑一下比多次机会北海道居酒屋，希望下次黎可以试到新鲜好味既北海美食。