土司工坊 (TKO Gateway) (已結業)

随便行下揾野食，咁岩见到土司工房啲set咁抵食，就试下啦。。。我地今次试最平嘅99蚊餐，有饭，有面又有小食，仲包饮品，几抵。。。首先要自己揾位，之后自己出去柜枱落单，之后再自己出去拎嘢食，全自助式。新加坡椰浆饭配鸡扒应该真系即点即煮，因为啲野食都系热辣辣嘅。鸡扒系即炸，鸡皮好正脆卜卜！个椰浆饭真系几好食。淡淡椰浆味，啲饭唔会太淋太湿 刚好。。。海鲜清汤面呢个就普通左小小。。。个汤底真系好清😂好似无味咁，之后海鲜都系急冻果啲，无乜味嘅。。但啲面又几好食㖞，q q的，讲真份量都好多。。小食，春卷入面啲馅好少，不过胜在系即炸，啲馅系普通嘅粉丝杂菜。。。饮品薏米水，呢杯饮品都几好饮，唔甜咖啡好出色，香而浓不过呢度环境服务就系零，成间铺得1个职员做野，落单冲饮品同一个人。之后有个职员一次过执枱。餐厅入面9成枱都未执，可能客人要自己执😂所以啲职员都几可怜，完全无人做野。