三川居酒屋 (已結業)

讲明先，系专程去食半价晚餐set嘅，所以先会话系抵食！😂😂侍应有介绍埋清酒放题嘅，但系觉得太早所以废事饮咁多，只系叫左一杯柚子highball。套餐就每种食物都有得order，方便哂咩都想试嘅人。柚子highball就冇乜特别啦，饮得重酒精嘅人会嫌淡。不过以我嘅口味就够嘅。先黎个沙律，呢个系要加钱叫的。但系值架，鱼生同啲生菜都几新鲜嘅，鱼生分量唔少。👌🏽清酒煮蚬老实说有点失望的。话哂系餐厅推介呀，但啲清酒味有啲淡㖞。分量还可以啦。😐一听到话有原板海胆即狗冲，但系实物同相片系有些少出入嘅。🙊不过个分量够架啦两个人每人都食到三四卷嘅。不过质素平平啦，胜在每件都大大件。😛烧蚝串系唔错架，一串3至4粒，size都唔错嘅。蚝嘅味道都浓郁，个内里都系软嫩嘅唔会烧到硬哂。😋炒饭就正正常常啦！整体黎讲炒得几香嘅，蟹味就唔好太高期望，始终都系炒饭黎啫。但分量就搭够啦两个人每人食到两碗架。😝雪糕反而有惊喜，但系系岩我口味多。因为佢有茶味之余亦都好香奶味。平衡得唔错。😋😋