榕易燒泰式串燒專門店 (已結業)

收工揾左呢间观塘工厦食串烧晚餐。呢度主要系露天位，有串烧又有泰菜，无加一，几抵食。我地今日拣左以下：猪牛鸡各2串（$88），几抵食嘅拼盘。蜜糖鸡中翼（$14），脆皮又甜甜地。烧芝心丸（$12），最钟意爆心芝士！日式烧秋刀鱼（$22），呢个调味甜甜地，烧得好脆身，成条连骨食晒都得！泰式炸鱼饼（$38），加泰式酸辣酱所够风味。泰式炒金边粉（$68），感觉无平时食嘅咁甜，金边粉软糯。蒜蓉粉丝烧北海道扇贝（$58），本来以为有两只原来一个价钱一只。蒜蓉配搭得好好，好有中式海鲜嘅感觉。