樂天大喜屋 (已結業)

一直听过大喜屋嘅好评，疫情前或者而家缓和后每日都咁多人排队，今次到我同老公终于去试吓究竟有几高质！旺角店位于创兴广场，地点方便，仲可以扶手梯上去唔使迫䢂今次book咗6:30，建议准时或者早啲到，因为已经会有人排紧队入去，而且完结时间一样系8:30！旺角店占咗全层，要听职员指示去到自己嘅枱号。用QR code落单超级方便，但亦可以去到自助区拣熟食同海鲜、竟然仲有我最爱嘅椰子煲鸡汤，饮咗几碗😆🔸刺身刺身份量一啲都唔吝啬，都几厚切！三文鱼、油甘鱼等等全部都好新鲜，最惊喜系极品大赤虾刺身，鲜甜弹牙，encore左几次🤤🔸寿司有齐鱼生寿司同火炙寿司，钟意左口鱼火炙后鱼油香出哂黎。除咗传统选择仲有几款特色寿司，好似黑松露蟹肉带子寿司、鱼籽拖罗塔寿司等，估唔到放题都有呢啲创意选择！🔸熟食食放题都要食面，牛肉乌冬汤底都算唔错，而且细细碗份量唔怕顶肚。另外试咗脆炸猫山王，榴梿味超级浓，好味🔸饮品酒鬼最钟意嘅就系有部sake机，提供热燗清酒🍶其他饮品亦可以喺饮品柜自取，有好多款式选择！