名朝特色火鍋 (已結業)

又系佐敦区开餐，见好耐无打过边炉，今次去到呢间名朝火锅，有好多唔同汤底选择，兼且材料供应都多，整晚都食得几开心。系火锅之前，先另加少少钱食左日式刺身。卖相同味道不比外间日式餐厅逊色，三文鱼厚切，鲍鱼粒爽劲有咬口，泰式辣虾鲜甜味美！系个胡椒猪肚汤滚紧嘅时候，去左自助蔬菜吧拣下心水靓菜。同呢度嘅饮品，配料，同汤底一样，都系选择非常多，而且质素高, 每样菜都好新鲜爽甜。胡椒猪肚汤底带著些少微辣，系汤底中滚下海鲜，包括新鲜嘅海虾，花甲，牛拍叶等等，都完全食得出食材本身嘅鲜味。而自家手打嘅虾丸，墨鱼丸够晒弹牙，少了一份味精嘅味道，多一份真材实料嘅感觉。爱牛之人一定要点嘅，美国肥牛同霜降手切肥牛，两者牛香肉味甚香浓，脂肪比例完美，系汤上快滚一阵，质素极高！最后当然系甜品时间，呢度甜品嘅选择真系贴近酒店嘅级数。焦糖炖蛋，布甸当然供应，最正嘅系有芒果拿破仑，同埋即叫即做嘅绿菜梳乎里，真系极之少有。