Seafood Stand (已結業)

高质汉堡喺香港唔容易揾，就算揾到，价钱都未必合理，笔者认为Seafood Stand系性价比较高嘅汉堡餐厅！试过佢咁多款汉堡，首选牛魔王汉堡，首先个汉堡包表面香脆，食落松软，块汉堡扒厚肉、多汁、牛肉味浓，煎得恰到好处，好香但牛肉仍然好鲜嫩，配合杂叶、蕃茄、同浓浓芝士味嘅酱汁，口感更加丰富，亦增加咗味道嘅层次但又唔觉油腻，食完之后非常满足。 如果唔够，可以点佢嘅小食，个人几钟意食呢度嘅粗薯条，配啤酒或其他冻饮一流。不过，呢度嘅咖啡质量一般，我宁愿推介大家饮佢哋特饮，比较特别。 餐厅环境方面，保持得干净企理，餐厅面积细，但坐位之间唔算挤迫，坐得几舒服，不过比较适合成人帮衬，如果带小朋友去，会坐得比较辛苦。