影片
更多
2021-08-16
363 浏览
【一盅点心】 #长沙湾 #点心今日同咗个好耐冇见嘅打工仔朋友出嚟食饭，难得可以见面，梗系想揾个可以坐耐啲嘅地方，于是兴致勃勃咁去咗呢间一盅点心饮茶食点心。六拼烧卖组合（$68）卖相味道都一流。六款口味，总有一款啱你心水——爆汁墨鱼（龙虾汁）、家乡糯米、干蒸牛肉、白雪带子、鲍鱼、怀旧烧卖——总共六款，每旧都爽口弹牙，饱满多汁，连个竹笼都系用特大号，可见每粒烧卖都具备一定份量。估唔到连鲍鱼带子都系真材实料，六粒各有特色而且味道令人惊艳嘅特色烧卖居然只系买呢个价钱，真系极之抵食。黑松露山珍腐皮卷（$35）腐皮卷炸得相当香脆，每啖咬落口感脆卜卜，而且馅料亦十分丰富，加咗好多山珍野菌，令到呢碟腐皮卷嘅口感充满柔软以及香脆相互交错嘅层次感。原笼马拉糕（$23）马拉糕相当大份，胀卜卜，而且相当松软。揿落去半秒内就识得自己弹返去原状，弹性完胜唔少市面上抗压能力堪忧嘅港孩级淋到爆糕点。呢笼马拉糕我比十个赞。香茜马蹄牛肉肠（$28）粉肠皮口感带点嚼劲，牛肉滑够碎够稔，甚至令人谂起食吞拿鱼蓉𠮶种要断唔断、藕断丝连嘅连绵。系一碟食得出一份温柔嘅肠粉。凤爪排骨饭（$40）不容小觑嘅一笼饭。佢虽则只系一笼饭，但佢
今日同咗个好耐冇见嘅打工仔朋友出嚟食饭，难得可以见面，梗系想揾个可以坐耐啲嘅地方，于是兴致勃勃咁去咗呢间一盅点心饮茶食点心。
六拼烧卖组合（$68）
卖相味道都一流。六款口味，总有一款啱你心水——爆汁墨鱼（龙虾汁）、家乡糯米、干蒸牛肉、白雪带子、鲍鱼、怀旧烧卖——总共六款，每旧都爽口弹牙，饱满多汁，连个竹笼都系用特大号，可见每粒烧卖都具备一定份量。估唔到连鲍鱼带子都系真材实料，六粒各有特色而且味道令人惊艳嘅特色烧卖居然只系买呢个价钱，真系极之抵食。
黑松露山珍腐皮卷（$35）
腐皮卷炸得相当香脆，每啖咬落口感脆卜卜，而且馅料亦十分丰富，加咗好多山珍野菌，令到呢碟腐皮卷嘅口感充满柔软以及香脆相互交错嘅层次感。
原笼马拉糕（$23）
马拉糕相当大份，胀卜卜，而且相当松软。揿落去半秒内就识得自己弹返去原状，弹性完胜唔少市面上抗压能力堪忧嘅港孩级淋到爆糕点。呢笼马拉糕我比十个赞。
香茜马蹄牛肉肠（$28）
粉肠皮口感带点嚼劲，牛肉滑够碎够稔，甚至令人谂起食吞拿鱼蓉𠮶种要断唔断、藕断丝连嘅连绵。系一碟食得出一份温柔嘅肠粉。
凤爪排骨饭（$40）
不容小觑嘅一笼饭。佢虽则只系一笼饭，但佢准确啲嚟讲系可以令你满足到上心口嘅一笼凤爪排骨饭。有时想食下凤爪但系又唔想叫一大笼，惊食到厌，呢笼凤爪排骨饭都有几块大大条嘅凤爪，可以一圆你嘅口瘾，同时间又有更多更饱肚嘅排骨，嫩滑而且软韧，好嚼又好食。想讲呢笼饭嘅味道真系几唔错，尤其大食鬼必点！
茶芥（$4／人）
香片茶香浓郁。值得一赞嘅仲有服务态度，完胜唔少所谓高级嘅「西」餐厅。侍应哥哥观察入微，见到我哋饮晒茶就主动过嚟添水，顺手帮我哋斟埋茶，咁嘅服务质素直头五星级啦。
真心呢间餐厅好好，不论食物不论服务都上得台面。要讲缺点，只可以话系店面装潢唔够「高级」同时又唔够「传统」，不然佢如果份量减一半，价钱提高两三倍，吊高嚟卖，应该就会多好多人排队帮衬（真心戥佢觉得可惜😢）
———————————————
#一盅点心
一盅点心 (长沙湾)
长沙湾青山道152号地舖
张贴
