樓下冰室

营业中

休息中

如果食个饭闲闲哋都要成$70-80，仲要份量都好少，今日食呢间𠮶份真系好大份，食得饱之余仲好好味。入到黎好有怀旧嘅感觉。呢度嘅招牌系食瑞士鸡髀，我哋当然要返个瑞士鸡髀啦，但系一只鸡髀边够食，我哋仲叫咗两个饭同一碟菜。咖喱牛腩饭，咖喱香浓，牛腩够稔同入味，上枱热辣辣，个饭仲要好大。另外叫咗个猪扒肉饼饭，猪扒厚切劲大块，肉饼劲入味，呢个价钱真系冇得输，仲有少少配菜，成个份量真系够两个人食。主角出场，就系瑞士汁鸡脾，瑞士汁够甜，肉嘅质地够稔，果然名不虚传。