老鍋台式火鍋 (京都廣場) (已結業)

铜锣湾骆克道京都广场二楼，有一间台式嘅火锅店叫做老锅，好钟意佢入边嘅格局，尤其是卡位坐得非常之舒服。老锅嘅地点非常方便，如果约朋友倾下偈，打下边炉，真系不二之选。👍🏻午市有个二人火锅套餐，个汤底非常之丰富，我哋叫咗尚膳养身锅，里面有好多鲜人参，大大条🥰，仲有好多红枣、粟米、冬菇，真材实料。☺️套餐有一碟肥牛，油花丰富、质感软腍，肉质鲜嫩，分量不少呢！好欣赏佢啲手打肉丸，有墨鱼丸、猪肉丸、贡丸同埋鱼皮饺。啲丸仔的质素唔错，全部都好烟韧弹牙，尤其是系鱼皮饺啲皮好烟韧，猪肉馅多汁好味。菜篮嘅菜好新鲜同埋系一啲嫩嘅菜，鲜甜有菜味，有娃娃菜、生菜、油麦菜、金菇同埋鲜冬菇。套餐包咗米线，两个人食晒所有嘅嘢都已经好饱喇，每人百几文，环境好，食物质素好，我哋都好满意。