樂天經典 (已結業)

之前去过隔离嘅乐天皇朝，见到依间乐天经典装修及菜式都唔错，今天中午再来帮衬。星期一至五午市正价餐牌全部68折、但都唔够午市特价套餐咁抵食，最后都系拣套餐而唔散叫。套餐有汤有煮食同一杯野饮，老火汤都几多料㗎。泰式炭烧猪颈肉同平时嘅猪颈肉有一啲唔同，佢系比较大块但切得薄，都几次半肥瘦叉烧再薄切。娘惹咖喱鸡其实系唔辣嘅，主要系鸡髀部份，所以好嫩滑又啖啖肉，𩠌白饭一流。只有两款饮品，所以我同老婆一人一款，薏米水会比罗汉果茶吸引一啲。其实个侍应一坐低会问你要唔要茶，如果要左就要比茶钱啊，所以记住同佢讲唔使茶净系嗌套餐，每人$60左右可以落楼。重点系成个餐厅，客人比较少，好似包场咁样保证可以慢慢倾计。