影片
更多
2024-06-18
1192 浏览
今次又系我番工食lunch既时间啦，我就去左旺角做野，出得街做野梗系顺便食餐好既，我就话去食烧肉放题，因为一般餐厅平日午市都比较抵，呢间睇过都唔错，就一于过黎食啦😄餐厅坐位好阔落，枱面有4支烧肉汁，仲有我最重视既纸巾，而佢地就有个午市半放题餐睇落几抵食，我同同事就一人拣左一款，佢分别有60分钟同90分钟拣，我地番紧工就只食60分钟算啦🤪午市和牛半放题60分钟（$178）日本A5和牛三角3片日本A5和牛肋肉3片盐烧厚切雪花牛舌芯2件盐烧虎虾2只和牛三角就系最靓既牛肉，有入口即溶既感觉，好正，牛肋肉就冇咁多脂肪，比较有口感d，牛舌餐牌写2件，黎到有3件，我梗系照食啦，件牛舌好弹牙，最后仲有2只虎虾，都好新鲜🐮🦐午市精选半放题60分钟（$128）盐烧美国牛五花3片盐烧美国一口牛3件盐烧厚切美国牛肋骨肉3片盐烧薄切雪花牛舌芯3片呢个餐既牛明显同和牛有段距离，但价钱平$50，系抵食之选，质素都唔差，牛五花比较偏肥，烧几下好上碟食，一口牛有d咬口，牛肋骨肉就系呢个餐之中我最钟意既，厚度岩岩好，簿切牛舌都几好食🥩外面自助区有好多蔬菜类可以攞黎烧，菠萝，粟米，菇类都有，而我最钟意就系有生菜蒜头比我整生
餐厅坐位好阔落，枱面有4支烧肉汁，仲有我最重视既纸巾，而佢地就有个午市半放题餐睇落几抵食，我同同事就一人拣左一款，佢分别有60分钟同90分钟拣，我地番紧工就只食60分钟算啦🤪
午市和牛半放题60分钟（$178）
日本A5和牛三角3片
日本A5和牛肋肉3片
盐烧厚切雪花牛舌芯2件
盐烧虎虾2只
和牛三角就系最靓既牛肉，有入口即溶既感觉，好正，牛肋肉就冇咁多脂肪，比较有口感d，牛舌餐牌写2件，黎到有3件，我梗系照食啦，件牛舌好弹牙，最后仲有2只虎虾，都好新鲜🐮🦐
午市精选半放题60分钟（$128）
盐烧美国牛五花3片
盐烧美国一口牛3件
盐烧厚切美国牛肋骨肉3片
盐烧薄切雪花牛舌芯3片
呢个餐既牛明显同和牛有段距离，但价钱平$50，系抵食之选，质素都唔差，牛五花比较偏肥，烧几下好上碟食，一口牛有d咬口，牛肋骨肉就系呢个餐之中我最钟意既，厚度岩岩好，簿切牛舌都几好食🥩
外面自助区有好多蔬菜类可以攞黎烧，菠萝，粟米，菇类都有，而我最钟意就系有生菜蒜头比我整生菜包黎食，呢个系我比较少见，所以高度评价呢个任攞生菜🥬
手机点既任食食物都有唔少选择，胡麻豆腐，软骨饺子，清酒煮蚬，唐扬紫心香芋丸等等，主食方面仲有个迷你大根牛肉汤乌冬，虽然烧肉配饭好食d，但我已经用生菜食烧肉，乌冬就正个我心意，仲有好多块大根牛肉，口感脆脆地，我仲叫左2碗🥟🍜
而我地两个男士食肉兽，就再追加左少量收费食物，见佢地既追加项目都算平😛
手羽先4件（$16）
香草牛油帆立贝（$18）
猪颈肉4件（$18）
枝豆（$14）
食完成餐仲有每人一杯雪糕或雪条作结🍦
今餐烧肉放题我觉得都抵食，最吸引我系乌冬同生菜包，系呢度先有，一般烧肉店都系配饭，埋单既时候职员仲话即做会员可以即有9折，仲有其他优惠，我就梗系做埋佢，下次再黎食有得用其他券🤑
张贴
