圓山台灣料理 (已結業)

之前同男友食过呢度嘅2人午市商务餐，对极品流沙包一试钟情。今日相约男友跟好友再次光临，3个人叫咗个4人餐，可以系餐纸上选3个点心，3个小菜同1个饭或者面，另外餐跟一个炖汤同甜品。一开始先来炖汤，今日系椰子雪耳炖鸡， 个汤好好味，够浓，唔系清水咁之后就上台湾卤肉， 呢个肉唔太咸，卤水味重，但略为失色系啲肉炸过，唔够松，边位较柴身。再嚟系盐酥鸡， 呢个鸡口味较淡，个味再重啲会出色啲。再嚟就系豆瓣鱼，鱼欠缺咸味，雪味较重，都几失望。之后就到咗点心出场，我要咗必食极品流沙包，朋友要咗佢至爱小笼包同虾饺。流沙包依然流沙，馅料重牛油同咸蛋味，出面好难食到，只系今日个包皮差咗啲，唔够软，怕系蒸耐咗，有点失望，所以忍唔住同经理反映。再嚟就系炒新竹米粉，呢个米粉冇咩镬气，朋友唔太钟意。最后甜品今日系南瓜西米露，呢个唔错，唔太甜，赞呀!今餐整体冇第一次食咁有惊喜，可能因为流沙包失色，希望下次再食会好返啲! 是次餐费为450蚊，算系抵食。