JK Brother’s (已結業)

之前食过JK Brother，觉得呢间嘢唔错， 于是星期六介绍屋企人去食。今次我地拣咗68蚊任食肥牛嘅午市套餐，68蚊加一可以任食肥牛、火锅配料、炸物、熟食、甜品、嘢饮品等，我相信出面冇边几间可以做到呢一个价。我拣咗寿喜烧汤底， 佢比出面嘅寿喜烧汤底较为甜， 用佢嚟配牛肉系冇得弹。68蚊嘅肥牛肥膏会比较多，如果想食好啲瘦啲可以加少少钱食128蚊个套餐。除咗肥牛之外，佢仲有啲韩国饺子，台湾丸类同埋花胶都好吸引， 因为花胶比较硬身，所以要一早就落咗，煮到最后先食就最正啦。炸物𠮶度都够热同够脆。 熟食通常会俾四款度， 今次有一款系牛肉嚟，好好食炆得好林， 佢仲有啲泡芙豆腐花雪糕雪米糍各式各样嘅饮品。