101手工涮涮鍋 (已結業)

前排行街经过门口，午市火锅套餐只系$48咋！可以拣汤底，三个𩠌，面底仲包埋野饮，尖沙咀嚟讲算系抵到烂喇挂！食过几个汤底，暂时觉得最好味系麻辣三杯鸡汤！个人嚟讲，打边炉最钟意嗌辣，咁先食得过瘾㗎嘛！而且佢辣得唔过份，食落都唔会好辛苦。配料我嗌左鸡脾肉、牛肉、油麦菜。汤底入面包左蕃茄、芽菜同埋粟米等，所以食落都好多𩠌。鸡脾肉大大旧，够入味又嫩滑；牛肉系茶餐应食开嘅沙爹牛肉，非常软腍～ 面条推介大家拣渝川拉面！佢好似稻庭乌冬咁嘅质地，出面唔系好常见～而且份量非常多，一定够饱见餐牌推介食麻酱麻辣手撕鸡，不过呢个真系有啲失望。。。卖相唔讨好，食落系一堆浸满啲鸡嘅麻酱，而且呢碟要加$24，唔抵食加上味道都麻麻。但佢地嘅野饮值得一赞，呢杯珍珠奶茶上面铺左oreo同埋cream, 唔洗成日都饮珍珠奶茶咁dry咁闷。另外我地嗌多左杯意大利咖啡，味道有啲似mocha，但又唔系超甜个只，大大杯真系几好饮！环境同埋坐位都几舒服、阔落，同朋友敍旧倾计都系一个几好嘅选择。