影片
更多
2018-09-21
733 浏览
Lunch行过尖沙咀忽然想食烧肉，同行朋友话之前食过一间日式烧肉放题，环境同食物都唔错，又唔贵，讲到咁梗系要试试佢啦！餐厅距离尖东地铁站好近，一出站行2-3分钟就到，夏天唔惊热溶。上到铺头，环境算舒适，面积够晒大，啲位一啲都唔逼，同埋午市冇咁多人，可以同朋友慢慢食同倾计！钟意佢落Order用平板电脑，唔使经待应，平时最憎食放题举十世手都冇人应，浪费时间，呢到分晒类，好易揾。开始烧肉前梗系要叫啲刺身开开胃啦， 带子、松叶蟹棒、八爪鱼都唔错，不过最正都系甜虾，大大只又够鲜甜，不断Encore！上菜速度够晒快。之后当然开始烧肉啦，肉类选择都几多！牛都有伊贺一口牛、牛舌、牛肋肉、牛仔骨，朋友唔食牛，佢就叫左猪大肠、五花叉烧，芝麻鸡翼同鸡腿肉等。啲牛牛味唔错，同埋调晒味，唔点酱都好入味。朋友钟意芝麻鸡翼，贪佢好香芝麻味。海鲜都唔差，有活蚬，蚬、青口同虎虾等。蚬唔系好大只，不过够新鲜。虎虾就够晒大只，又新鲜，烧唔停手！Menu额外仲有海胆同烧生蚝，好可惜海胆沽清冇得试，唯有叫4只半壳烧生蚝，嚟到完全冇失望，够晒饱满同Juicy，正！另外仲有蔬菜同炸物叫，因为我系食肉兽，所以主攻肉类，蔬菜只叫牛左油
餐厅距离尖东地铁站好近，一出站行2-3分钟就到，夏天唔惊热溶。上到铺头，环境算舒适，面积够晒大，啲位一啲都唔逼，同埋午市冇咁多人，可以同朋友慢慢食同倾计！
钟意佢落Order用平板电脑，唔使经待应，平时最憎食放题举十世手都冇人应，浪费时间，呢到分晒类，好易揾。
开始烧肉前梗系要叫啲刺身开开胃啦， 带子、松叶蟹棒、八爪鱼都唔错，不过最正都系甜虾，大大只又够鲜甜，不断Encore！上菜速度够晒快。
之后当然开始烧肉啦，肉类选择都几多！牛都有伊贺一口牛、牛舌、牛肋肉、牛仔骨，朋友唔食牛，佢就叫左猪大肠、五花叉烧，芝麻鸡翼同鸡腿肉等。啲牛牛味唔错，同埋调晒味，唔点酱都好入味。朋友钟意芝麻鸡翼，贪佢好香芝麻味。
海鲜都唔差，有活蚬，蚬、青口同虎虾等。蚬唔系好大只，不过够新鲜。虎虾就够晒大只，又新鲜，烧唔停手！Menu额外仲有海胆同烧生蚝，好可惜海胆沽清冇得试，唯有叫4只半壳烧生蚝，嚟到完全冇失望，够晒饱满同Juicy，正！
另外仲有蔬菜同炸物叫，因为我系食肉兽，所以主攻肉类，蔬菜只叫牛左油粟米、金菇、菠萝同冬菇等试试，味道正常冇太大惊喜，都系肉食出色啲！
同朋友都认为呢度系一间平价水准不俗的日式烧肉放题！会再食！
张贴
