木槇料理 (已結業)

契妈喺离港前，相约几位auntie午聚，为咗要就小肥同Auntie J返工，地点一早已定为湾仔。由于大家都想转换吓环境，试吓区内o既新餐厅，结果就任细佬揸fit，拣咗一间开业只有几个礼拜o既「木槇料理」。「木槇」位于湾仔饮食大楼QRE Plaza内，午市时间大厦升降机门前例必排满人龙，XO仔1点前到步，都要等成两三个字先上到28楼 。细佬经常喺度出没，早就估到会有所延误，故亦预早经哥哥落定单。「木槇」全层爆满，门外亦企有食客等位，幸好auntie们早到，我地又订咗位，一行七人被安排入座近窗o既卡位。除咗有景睇，仲有盆栽作伴，位置都几阔落，不过餐桌明显地过高，进食时感觉有少少吊手。楼面其实都几多伙计，不过个个都好忙，要揾人加茶或叫饮品都要等一阵。「木槇」用上五角形筷子 ，大肥爸爸见到必定会大赞餐厅有文化。大部份午市套餐都包有和风野菜沙律及日式蒸蛋或三文鱼刺身。小肥杯茶碗蒸清甜香滑。野菜沙律好爽脆，芝麻酱亦非常讨好，个人最欣赏甜甜o既粟米粒粒 。「木槇寿司刺身定食」实物同餐牌上幅相一模一样。两只生虾，一红一蓝，爽脆鲜甜。除咗虾只，木盘上仲有其他刺身，包括甜浓o既海胆、肥润o既油甘鱼、