影片
更多
2018-02-24
402 浏览
上次单拖食丰洲水产既印象太好今次拉埋老公再食过！今次个目标系闲日先有既午市精选丼，去到门口已经过左2点，好彩门口见到午市去到6点！跟餐除左加$10转乌冬，仲可以优惠价$8起要饮品架！午市精选丼会比其他细份，女仔食一定够，但系男仔就可能加多份小食先得！点左三文鱼亲子丼同埋三文、油甘、蟹子丼刺身好新鲜，部分三文鱼仲系腩黎架！油甘有轻轻咁炙烧过，入口多左份烧烤既香味！味噌汤加左鱼一齐煮，好重鱼鲜味，饮完唔会口渴！另外再点左松叶蟹肉蛋卷好滑好香蛋味，唔怪得咁多人推荐啦！$98一份有质素既丼，真心抵！可惜今次侍应服务好麻麻！当我地举手示意想叫饮品个阵，侍应竟然隔住几张枱叫过黎，唔行过黎当单都算，个位侍应听力麻麻，来回互相叫几次先落到单，莫讲话呢间食日本餐厅，茶记都好少可啦！到就黎食完个阵，杯饮品先出现我冲口而出话争d唔记得杯野食侍应听到好好咁解释返，原来因为无人接单，所以无人处理，佢地啱啱先发现(btw果汁细细杯，饮得出无加糖既新鲜味)食到3点左右，走净我地张枱，突然听到把声叫侍应熄冷气熄灯我心谂，唔系午市到6点咩？！可能系指其他野啫！隔左阵，我听到冷气声静左好多，做到咁明显，反正就食完，我地都
今次拉埋老公再食过！
今次个目标系闲日先有既午市精选丼，
去到门口已经过左2点，好彩门口见到午市去到6点！
跟餐除左加$10转乌冬，仲可以优惠价$8起要饮品架！
午市精选丼会比其他细份，
女仔食一定够，但系男仔就可能加多份小食先得！
点左三文鱼亲子丼
同埋三文、油甘、蟹子丼
刺身好新鲜，部分三文鱼仲系腩黎架！
油甘有轻轻咁炙烧过，入口多左份烧烤既香味！
味噌汤加左鱼一齐煮，好重鱼鲜味，饮完唔会口渴！
另外再点左松叶蟹肉蛋卷
好滑好香蛋味，唔怪得咁多人推荐啦！
$98一份有质素既丼，真心抵！
可惜今次侍应服务好麻麻！
当我地举手示意想叫饮品个阵，侍应竟然隔住几张枱叫过黎，唔行过黎当单都算，个位侍应听力麻麻，来回互相叫几次先落到单，莫讲话呢间食日本餐厅，茶记都好少可啦！
到就黎食完个阵，杯饮品先出现
我冲口而出话争d唔记得杯野食
侍应听到好好咁解释返，原来因为无人接单，所以无人处理，佢地啱啱先发现
(btw果汁细细杯，饮得出无加糖既新鲜味)
食到3点左右，走净我地张枱，
突然听到把声叫侍应熄冷气熄灯
我心谂，唔系午市到6点咩？！可能系指其他野啫！
隔左阵，我听到冷气声静左好多，
做到咁明显，反正就食完，我地都好识做
快快手手食埋闪人！
睇返张单，我地14:07落单，15:12埋单
既然门口无写落场，一个钟头多dd食个lunch都唔过份丫！
呢种服务，再好食都好难有下次！！！
张贴
