Felicita 1929 (已結業)

行过铜锣湾马路时，抬头见到有露台既餐厅，已经被吸引，而且见午餐既价钱都可以接受，就亲星期五happy friday 约埋同事试新野。menu 有5个选择，D 同E 较为吸引。餐汤应该系西兰花汤，唔会好杰身，仲有西兰花粒，有口感。 另外沙律系落左果醋之类，食落好fresh 好开胃。 正题，西冷煎得比较熟，waiter 冇问我要几成熟，食开7成熟既我会觉得比较鞋口，肉质唔够嫩。而同事食既猪仔骨都话唔错，个味调得好，唔会over cook。到埋单果时先知全单有8折，每人唔使100蚊，咁有格调既环境都抵食，不过出餐时间较慢，有待改善。