影片
更多
2023-10-12
117 浏览
最近成日都心思思想去日本，见到几抵食，所以就试咗呢间喺康城嘅日式烧肉店午餐，顺便止止我屋企长老嘅旅行瘾！☄️Suki烧定食（$98）寿喜烧杂菜锅里面超足料，有冬菇、金菇、娃娃菜、菠菜同煎豆腐！豆腐煎过之后冇咁易散，我完全唔记得咗佢，留到最后食都仲系完整一旧！肉方面系日本牛胸腹肉，食落有咬口得嚟又唔会靭。秋冬季节食完暖笠笠就啱哂啦！☄️牛之味定食（$118）除咗枱面上嘅调味料，烧肉定食随餐跟三种酱，包括盐酱、生蒜同泡菜酱。三款都非常惹味，同烧肉超夹！烧肉定食有牛板肩同牛胸腹两种肉。牛板肩油脂分布明显，相反牛胸腹就比较平均同有咬口。但两款都几重牛味！两款定食都包有面豉汤、沙律、中华沙律、饭同饮品。面豉汤亦配料十足，入面有几只蚬仔！当日仲有埋甜品双色日式蕨饼。一款系原味黄豆粉，另一款系抹茶粉。食落唔会太甜，抹茶味又解到油脂！饮品除咗汽水之外，仲有舖头自家嘅樽装冷泡茶，饮唔哂都可以拎走慢慢饮！总括嚟讲，$100左右有咁嘅份量，个人嚟讲真系十分抵食！嚟开康城嘅朋友不妨去试下！
☄️Suki烧定食（$98）
寿喜烧杂菜锅里面超足料，有冬菇、金菇、娃娃菜、菠菜同煎豆腐！豆腐煎过之后冇咁易散，我完全唔记得咗佢，留到最后食都仲系完整一旧！肉方面系日本牛胸腹肉，食落有咬口得嚟又唔会靭。秋冬季节食完暖笠笠就啱哂啦！
☄️牛之味定食（$118）
除咗枱面上嘅调味料，烧肉定食随餐跟三种酱，包括盐酱、生蒜同泡菜酱。三款都非常惹味，同烧肉超夹！烧肉定食有牛板肩同牛胸腹两种肉。牛板肩油脂分布明显，相反牛胸腹就比较平均同有咬口。但两款都几重牛味！
两款定食都包有面豉汤、沙律、中华沙律、饭同饮品。面豉汤亦配料十足，入面有几只蚬仔！当日仲有埋甜品双色日式蕨饼。一款系原味黄豆粉，另一款系抹茶粉。食落唔会太甜，抹茶味又解到油脂！饮品除咗汽水之外，仲有舖头自家嘅樽装冷泡茶，饮唔哂都可以拎走慢慢饮！
总括嚟讲，$100左右有咁嘅份量，个人嚟讲真系十分抵食！嚟开康城嘅朋友不妨去试下！
张贴
