北京老家 (已結業)

今日lunch去咗太子食，拣咗呢间食北京嘢。间舖响3楼，电梯今日坏咗要行楼梯上。餐厅室内昏暗，设计传统中式，饭枱有一大块透明玻璃，下面有一只大碗装咗啲细石做点缀，几有特色。摆放枱面既餐具都几靓，影咗少少相。 午餐有AB两款Lunch Set，拣咗B既Lunch Set，担担面配韭菜水饺3只($60)。例汤系冬瓜猪骨浓汤，几好饮，无味精。担担面一大碗，面质唔系出面食到白面粉𠮶只，有少少似公仔面既黄色面，但唔系公仔面面质。汤睇上去有少少辣，但味道唔太辣，汤底有啲麻酱既味。韭菜饺皮有少少厚，点醋食味道都ok，醋应该系老陈醋，味道同平时食既唔同。壸茶系荞麦茶，几好味，饮咗好多，搞到成肚水。埋单既时候听到待应话有糖水送，系红豆沙，但要拣饭餐先有得送，我点面餐无缘一试。