胡爐 (已結業)

铜锣湾厚福街出名多嘢食，今次食嘅胡炉之前一路走开中价精品火锅路线，最近仲推出左超抵嘅$298半自助任食火锅，虽然系半自助，不过质素依然好高，同出边单点精致火锅有得比首先系选择汤底，有鸡煲、醉鸭煲或者猪手煲。作为鸡煲爱好者梗系拣鸡煲啦，鸡煲汁都几香浓，鸡有鸡味份量亦都好多，不过唔算太滑嫩。随汤底上枱嘅系时令海鲜拼盘，胡炉牛拼盘及手工丸饺拼盘。呢三款都只系包一份，但系其实份量都非常之多，我同我老公食完呢对食物已经觉得好饱。时令海鲜拼盘有扇贝、大虾、蚬、蚝、花甲，样样材料都好新鲜，尤其系个扇贝，非常鲜甜一啲腥味都冇牛拼盘有三样嘢，其中牛舌好香口好重牛味，亦都唔会太轫。黄牛就比较轫，但牛肉味都算重。豚肉最有惊喜，肥瘦均匀，入口好香嘅油脂味，口感一流。手工丸饺共有六款，基本上样样都好好食，食得出系自家制作。推介黑松露墨鱼丸，口感非常弹牙爽口，黑松露味劲香，但又唔会过分到抢去墨鱼嘅鲜甜味。泰王鲜虾云吞都系推介，虾劲大只，云吞非常足料，皮薄涵靓。基本上食咗以上嘅嘢已经非常饱肚，我哋仲叫咗少少配料去食，都正常水准。我哋加咗$38 （每位）任饮，饮品种类都几丰富，我唔钟意饮汽水，但系都有几款无糖茶。