皇子印度餐廳 (海富樓)

营业中

休息中

星期六晚同妈妈两个人去食,咁啱唔洗等位。已经去到系熟客,间舖啲人已经认得我地。基本上一坐底就会有一人一胡椒饼同印度式嘅汤。一人叫左一个set,佢地嘅印度烤饼同饭都系任食,就算系大食嘅朋友都唔怕食唔饱,每次去到都会食到好饱咁走。我地叫左一个系蕃茄咖喱鸡,一个系咖喱绘大虾。蕃茄咖喱鸡就系有小小酸酸地,比较开胃,佢地啲鸡肉无论系咖喱定烧鸡都整得好好食,啲肉都系滑嘅,唔会整到好老。而咖喱绘大虾就系椰奶味比较重。佢地啲野一向都上得好快,啲肉都算系多,唔会话成兜都系汁。佢地嘅烤饼都系即叫即烤,咖喱配热辣辣嘅烤饼真系一流。唯独系地方比较细,坐得会有啲迫。