岩盤牛扒ミディアムレア ステーキ (Greenery Plaza ) (已結業)

今晚出左翠怡𠮶边揾食，之前已经想食呢啲好似日本咁每g计既牛扒餐厅，上网揾原来太和就有，唔洗出返九龙先有得食。呢到有3个部位既牛扒拣。门口有指示牌叫喺门口落左单先可以入去坐。同店员讲要咩部位同几多g既牛扒，佢就会喺雪柜拎旧牛出黎切。我叫400g肉眼，切得好准！餐枱上面放左喜马拉雅盐同黑胡椒。坐低5分钟松啲就有得食了，真系好大块，有3分1系折埋左先放到喺铁板到。如果你无特别讲，所有扒都系3成熟上碟。块喳喳声既铁板有成300度，真系要小心。可以加多$25蚊四选三野食，有沙律、汔水、味噌汤或白饭。成set咁食好丰富！因为块铁板好热既关系，到食既时候牛扒差唔多到5成熟。切既时候肉汁喺咁漏出黎，食落口好腍，肉味香浓，如果再加上少许盐就更加惹味！另外仲会有柚子酱汁比大家点黎食，点左黎食系比较清甜，无左油腻既感觉。