四寶食堂

营业中

休息中

四宝食堂无论系早午晚下午茶定宵夜嚟到，都一样好多野食。个人认为如果系铜锣湾返工，呢度一定系个揾食嘅好地方。位于谢斐道既四宝位置方便，一啲都唔难去。而且铺头唔细，人手亦非常充裕，每次黎都见到好多员工。呢日系晚餐时间黎到，餐厅做好防疫措施每枱只能坐两人。朋友话佢哋嘅食物唔会即时有得上枱，因为佢哋都系即叫即整。-🍴炸鱼薯角份量非常大，炸鱼表皮略嫌少少过㶶，但切开鱼柳十分Juicy，唔会又林又梅，证明食材新鲜。薯角应该落咗少少辣椒粉腌过，热辣辣食惹味又香口。-🍴西冷牛扒细心地切件上，肉质煎得软腍刚刚好。配菜仲有原个蒜头煎香伴碟，切少少配牛扒食非常合衬。仲有薯角无谂到会系另外一碟上，份量超多。-🍴呢个沙律大推，水牛芝士每块都厚切，芝士味香浓。蕃茄新鲜香甜，陈年黑醋汁食后回甘，几样食材加埋夹到不得了。-四宝即得推介嘅地方一定系佢每样食物都份量极大，即叫即做同款类繁多。重点系铜锣湾黎讲唔算太贵，推荐。但有时人多店内会比较嘈杂，不过系茶餐厅，始终都理解。