影片
更多
2020-09-16
3371 浏览
🥢灣仔$329日式主題即開生蠔海鮮和牛酒店自助餐🥢平時食餐飯閒閒地都二三百蚊，今日就搵到間酒店自助餐，而家酒店做緊日式主題，除咗有即開生蠔，仲有新鮮凍海鮮蟹腳提供真心抵食，折後最平$329 就有交易🥢尋和味日式主題海鮮自助晚餐 $548 /6折後$329優惠需「讚好」Novotel Century Hong Kong 社交平台專頁成為粉絲，即可以6折優惠$329起享用自助晚餐，注意大家要早啲預訂，琴晚閒日去到都全部滿座啊🥢美國生蠔第一時間去當然去拿我至愛回本位生蠔，今日提供的是美國生蠔，隻隻都係睇住師傅即開保證新鮮，生蠔味道鮮甜海水味重爽口而且鹹味為主🥢凍海鮮盤大家都喜歡的長腳蟹，黑青口，凍螺凍蝦四款，食凍海鮮主要是食海鮮的鮮甜味道，海鮮夠曬新鮮，長腳蟹咸咸的襯托出蟹肉鮮味，蝦肉鮮甜爽口又彈牙，凍螺同青口食得出原來食材的味道，夠曬鮮甜，個人感覺滿意🥢刺身刺身區最正有大大隻阿根廷紅蝦，三文魚，活赤立魚，帶子三文魚籽沙沙，仲有海膽粒粒籽丼，刺身感覺唔錯，睇樣都知道有幾新鮮🥢湯品去食自助餐其中一樣好期待嘅嘢就係飲湯，湯品雖然只有兩款，猴頭菇蟲草花豬骨湯同
🥢平時食餐飯閒閒地都二三百蚊，今日就搵到間酒店自助餐，而家酒店做緊日式主題，除咗有即開生蠔，仲有新鮮凍海鮮蟹腳提供真心抵食，折後最平$329 就有交易
🥢尋和味日式主題海鮮自助晚餐 $548 /6折後$329
優惠需「讚好」Novotel Century Hong Kong 社交平台專頁成為粉絲，即可以6折優惠$329起享用自助晚餐，注意大家要早啲預訂，琴晚閒日去到都全部滿座啊
🥢美國生蠔
第一時間去當然去拿我至愛回本位生蠔，今日提供的是美國生蠔，隻隻都係睇住師傅即開保證新鮮，生蠔味道鮮甜海水味重爽口而且鹹味為主
🥢凍海鮮盤
大家都喜歡的長腳蟹，黑青口，凍螺凍蝦四款，食凍海鮮主要是食海鮮的鮮甜味道，海鮮夠曬新鮮，長腳蟹咸咸的襯托出蟹肉鮮味，蝦肉鮮甜爽口又彈牙，凍螺同青口食得出原來食材的味道，夠曬鮮甜，個人感覺滿意
🥢刺身
刺身區最正有大大隻阿根廷紅蝦，三文魚，活赤立魚，帶子三文魚籽沙沙，仲有海膽粒粒籽丼，刺身感覺唔錯，睇樣都知道有幾新鮮
🥢湯品
去食自助餐其中一樣好期待嘅嘢就係飲湯，湯品雖然只有兩款，猴頭菇蟲草花豬骨湯同麵豉湯，猴頭菇湯用料十足，底部有好多蟲草花仲有其他材料，所以忍唔住飲咗兩碗
🥢日式熟食
餐廳而家係日式主題，所以都好多日式美食，最正係有天婦羅除了有平時食到的炸蝦仲有炸軟殼蟹，日式和牛串燒壽喜燒，茶碗蒸，最驚喜係有關東煮，味道同日本食的一樣，蘿蔔入味索曬鰹魚湯汁的味道
🥢熟食
除了有牛扒之外，仲有大大條蒸魚，咖哩，炒飯，香爆蝦，熟食幾多，都幾啱帶埋長輩同小朋友來食
🥢甜品
有大家最關心的movenpick 雪糕杯，同小朋友最鐘意的朱古力噴泉，仲有很多日式甜品草餅麻糬牛乳布丁，仲有好多芝士蛋糕綠茶蛋糕，最正係馬卡龍，外殼略脆裏面軟糯，中間的夾心餡料味道非常豐富，仲有好多杯仔甜品同焗麵包布丁無影到，生果有新鮮菠蘿哈密瓜西瓜，新鮮多汁仲要非常之甜
🥢飲品
提供即磨咖啡機，咖啡豆沖出來咖啡的很香，檸檬茶可以自己沖，仲有橙汁檸檬提供
🥢非常抵食的一餐，除了回本位生蠔凍海鮮盤，熟食感覺很多而精，就算唔食生野都會滿足，而甜品種類好多，根本無可能每樣都食一件，唯有留待下次再同朋友來食返夠本
Le Cafe
张贴
