Canadian Pizza (好順景大廈)

营业中

休息中

经过见到橱窗有得散件买pizza，每件仲要好似加大码咁，即刻忍唔住想当下午茶试一试。卡邦尼 $40将卡邦尼意粉食材：意式白酱、意大利烟肉、流心蛋、蒜蓉油、巴马臣芝士等放入薄饼之中，真系第一次见，所以即刻俾佢外型吸引咗。入口即有焦脆香气，好似食紧啱啱出炉嘅芝士包，混合流心蛋嘅蛋浆后更香浓。批底厚度适中，咬落松软。薄饼份量几巨型，食完一块切件薄饼都饱饱地。粟米球 $42一共有12件嘅粟米球，价钱而言系有啲贵。不过味道上好香甜酥脆，每食一粒都觉得好邪恶。配埋我最爱嘅蛋黄酱，食落无咁油腻。杨枝甘露 $34比想像中更大杯嘅杨枝甘露，入面嘅材料都好丰富吓，每啖都饮到柚子同西米。不过味道就偏淡，无想像中甜，如果饮开低糖嘅应该会钟意。