小胖台灣便當 (偉華中心)

营业中

休息中

以前去台湾只需要两个钟，疫情之后想去旅行都唔得，真是这么近那么远！早几日去沙田行街，见到小胖台湾便当，真系忍唔住就帮衬咗！我喺门口睇完餐牌就决定帮衬，因为真系好抵食！我叫咗两个餐，套餐包主菜 (饭/面) + 饮品，当然唔少得梗系要食台湾小食啦！呢个系「士林盐酥大鸡腿便当」，超大鸡腿，外卖到返屋企斩仲脆卜卜㗎！另一份就系「万华网烤牛肉便当」，啲牛肉薄切好好食，仲有少少辣辣地添！我最钟意小胖嘅便当系因为超多料，见到都觉得正！好多蔬菜配菜，连埋饭一齐食劲夹。讲到台湾必吃小食，我哋就加咗两份小食，「怀念盐酥鸡」+「梅香脆地瓜」，怀念盐酥鸡个名真系令人超怀念，好味道！梅香脆地瓜，梅香粉配地瓜真系劲夹，两份小食都令人食唔停口。套餐包一款饮品，一定要试下「油切绿茶」，自家制冷泡茶，食完热气嘢饮返啖油切绿茶，好舒服。下次有机会一定会再带两个小朋友去食堂食。