永華日常 (淘大商場1期) (已結業)

之前听朋友介绍话好抵又好食，今朝特登约埋几个好友试试。真系冇谂过竟然只需要38蚊就可以食到3个𩠌嘅早餐，仲要出前一丁面都系唔使加任何嘅钱就可以食到！！！钟意食出前一丁一朋友记得快啲过嚟试啦。今次我就叫咗沙爹牛肉通粉，𩠌方面就拣咗炒蛋、餐肉同肠仔。个人认为最好食嘅地方系有认真咁煎香咗啲餐肉同肠仔先至会拎出嚟，而唔系求求其其煎都未煎就拎出嚟。个通粉都十分之烟烟韧韧，系本人嘅最爱。朋友就叫咗沙爹牛肉出前一丁，𩠌方面就拣咗煎蛋、餐肉同烟肉。出前一丁好好食就唔使讲啦，但系佢哋嘅烟肉都煎得好香。总括而言呢，抵食之余食份量好足够，令人想去再去啊！